Gwybodaeth » Tai » Prynu Cartref Newydd » Dod o hyd i eiddo
- Pethau i'w hystyried
Cyn i chi ddechrau chwilio am gartref newydd, dylech ystyried sawl peth. Er enghraifft - Tua faint allwch ei fforddio?
- Mae hwn tua thair gwaith eich cyflog blynyddol neu os mai dau ohonoch chi sy'n cael morgais, tua dwywaith a hanner eich cyflogau chi. Bydd rhai benthycwyr yn cynnig mwy, ond byddwch yn wyliadwrus o gyfraddau llog uchel a thermau penodedig na fedrwch eu hail-drafod
- Ble hoffech fyw?
- Er enghraifft, a ydych am fod yn agos at eich teulu, eich gwaith neu'ch ffrindiau? Gall y rhain fod yn ffactorau wrth ddewis lleoliad eich cartref newydd. Rhaid i chi fod yn realistig ynglyn â hyn. Er enghraifft, os ydych chi'n prynu eich cartref newydd, efallai na fydd hi'n bosib prynu yn yr ardaloedd mwyaf poblogaidd, fel yng nghanol y ddinas neu mewn maestrefi poblogaidd, gan fod prisoedd yn tueddu i fod yn uwch yn y llefydd hyn
- Pa fath o gartref hoffwch ei gael?
- Ydych chi am gael fflat neu dy ac a hoffech gael ardd neu garej? Mae'r rhain yn benderfyniadau y mae'n rhaid eu hystyried cyn dechrau chwilio am gartref newydd
- Mae sawl ffordd i edrych am eiddo i'w brynu, gan gynnwys adran eiddo eich papur newydd ac asiantau tai lleol, a thrwy gysylltu ag adeiladwyr tai newydd i ddarganfod y datblygiadau yn eich ardal
- Os ydych chi'n symud i ardal newydd, mae gwerth chweil gwneud gwaith ymchwil cyn dechrau chwilio am eiddo. Ceisiwch fynd am dro yn yr ardal i gael syniadau o'r amwynderau lleol fel siopau ac ysgolion. Mae'n syniad da hefyd edrych mewn ffenestri asiantau tai i sicrhau y gallwch brynu yn yr ardal
Y broses gyfreithiol
- Gall fod yn syniad da dod o hyd i gyfreithiwr cyn dechrau chwilio am eiddo. Yna, ni fydd yn rhaid i chi frysio i gael un pan ddewch o hyd i dy rydych am ei brynu. Gofynnwch i'ch ffrindiau a'ch teulu a ydynt wedi clywed am gyfreithwyr da. Mae'n bwysig eich bod yn gallu ymddiried yn y person yma
- Mae cyfreithwyr yn trin y broses trosglwyddo eiddo. Mae hwn yn waith cyfreithiol a gweinyddol sy'n ymwneud â throsglwyddo perchnogaeth tir pan brynwch eiddo. Bydd gwaith eich cyfreithiwr yn cychwyn pan gaiff eich cynnig am yr eiddo ei dderbyn a byddant yn codi tâl am y gwaith, felly holwch am y gost cyn parhau gydag unrhyw beth
