Cwmni Ifanc
Sproutiwr bach! Wyt ti’n 7-11 oed ac yn credu mai ti ydy'r Miley Cyrus neu Justin Bieber nesaf? Mae’r bobl yng Nghanolfan Mileniwm Cymru yn credu dy fod di! Maen nhw’n rhoi’r cyfle i sêr newydd i brofi hyn trwy gynnal gwersi drama fydd yn helpu ti i greu perfformiadau o safon y West End mewn dim o amser.
Os oes gen ti ddiddordeb mewn canu, dawnsio neu actio, mae pob un o'r rhain yn digwydd yng ngwersi'r ‘Cwmni Ifanc’ yng Nghanolfan Mileniwm Cymru. Bydd siawns i ddangos dy fod yn gallu creu dawnsiau ac arwain sioeau hefyd. Bedd bynnag ydy dy sgiliau, maen nhw eisiau i ti ddod draw a rhannu dy syniadau a dangos beth rwyt ti yn gallu gwneud.
Mae’n rhoi siawns i ti gwrdd â sêr ifanc eraill, a chael LLAWER O HWYL!
Mae cost o £75 am dymor o wersi, 10 wythnos o wersi bore Sadwrn. Os rwyt ti efo awydd, efallai gallai fod yn anrheg Nadolig da i ti? Neu gallet addo talu dy rieni yn ôl wedi i ti wneud dy filiynau mewn ffilm fawr Holywood y dyfodol.!
Dweud wrth dy Fam/Tad/Mam-gu/Tad-cu/Brawd/Chwaer/Person Drws Nesaf fod angen iddynt ffonio 02920 636464 i gadw lle ar y cwrs.
Gwybodaeth bellach yn fan hyn, neu defnyddia'r wybodaeth i ddarbwyllo nhw!
Hafan » Gwybodaeth » Chwaraeon a Hamdden » Y Celfyddydau Perfformio » Actio, Drama a'r Theatr
